ЭГЧ МИНЬ..

ЭГЧДЭЭ..

Хэлтийж дэндэж цамнахад минь

Мэлтийж өмөөрдөг нь ЭГЧ МИНЬ юмаа

Хэвийж гудайж тонгойход минь

Мэлмэрч аргаддаг нь ЭГЧ МИНЬ юмаа

Хэдэрч уурлаж цухалдахад минь

Мэхийж зөөллөдөг нь ЭГЧ МИНЬ юмаа

Хэсэж тэнэж холдоход минь

Мэгдэж далладаг нь ЭГЧ МИНЬ юмаа

Онгирч даварч сагсуурахад минь

Даруулж намжаадаг нь ЭГЧ МИНЬ юм

Омогшин доргиж баярлахад минь

Дэнсэлж тэнцүүлдэг нь ЭГЧ МИНЬ юмаа

Олсондоо баярхаж дүүрэхэд минь

Дамнуулж эгшээдэг нь ЭГЧ МИНЬ юмаа

Олондоо тусалж зүтгэхэд минь

Дэвэрч хөөрдөг нь ЭГЧ МИНЬ юмаа

ЭРХЭМ ХАЙРТАЙ ЦЭРЭНДОРЖИЙН ЦЭНДЭМ ЭГЧ

ЭГЛИЙН ЭГЭЛ АГУУ ТАНДАА СҮСЛЭН ӨРГӨЕ ДӨӨ...

Батболд Цэрэндоржийн

БАЯНДУНДАА...

2021.06.20