Б.Батзориг
Шатар тоглох сайхан шүү
Хэдэн нүүдлийн цаадахыг харж
Хамгаалалт, довтолгоог хослуулан
Шаг, дуг, цод, мад гээд л
Шатар тоглох сайхан шүү
Хэдэн нүүдлийн цаадахыг харж
Хамгаалалт, довтолгоог хослуулан
Шаг, дуг, цод, мад гээд л
Шатар тоглох сайхан шүү
Бэрсний гамбит, морины хатираа
Гараа бүхэн нь нэршилтэй
Таван халуун, пионер мад
Хожил бүхэн нь хошигнолтой
Сууж, бодож, сэтгэж сургадаг
Сайхан тоглоом шатар шүү
Эртний нэгэн хаант улсыг
Уран бэрийн ңүүдлээр аварсан
Ухаант Арилдий өвгөний домог
Сурсан гурван эрдмийнхээ ачаар
Элгэн түмнээ амирлуулсан
Эрдэмт хүүгийн үлгэр гээд
Шатар тоглохын сайн сайхныг
Шастир судартаа мөнхөлжээ бид
Олон төрлийн чадвар суулгадаг
Оюуны спорт шатрын клубүүд
Одоо ч харин олширсон байна
Усгүй талын, цусгүй байлдаанаар
Хүнсгүй цэргүүдээрээ сайхан тулалдаж
Дэлхийн аварга шатарчинтай болохын
Дээдийн дээд сайхан ерөөлийг
Өөд өөд нь дэвшүүлнэм бид
