Үг...

Хожимдож ухааралгүй, эртхэн ойлгоод
Хожим харамсахгүй сайхан амьдарцгаая

Бодлогогүй хэлсэн үг бүхэн
Бусдын зүрхэнд цус хуруулдгийг
Буруу заасан хичээл бүхнийг
Буцааж засахад улам төвөгтэйг

Би мэдэхийн дээдээр мэднэ
Бие махаараа мэдэрч явсан
Буруу зөвөө алдаж байж ойлгосон
Бусдын л адил нэгэн багшаа

Оношоо буруу ташаа хэлвэл
Оргүй хоосныг буй болгохыг
Огтоос тэгээд тоохгүй байвал
Орвонгоороо эргэж шаналалд автахыг

Эдгээж болохгүй зовиур амсахыг
Эргэж мөддөө сэхэхгүй зовохыг
Эмийн хүчинд ч найдахаа болихыг
Ээдээ эмч нар минь болгоож үзээрэй

Үг бол агуу хүчит зэвсэг
Үнэлж барамгүй хохирол дагуулна
Үг бол асар том бэлэг
Үнэхээр хосгүй ялалтыг авчирна

Үгээ бодож, үйлдлээ цэгнэж
Өрөөлийг зовоолгүй, баярлуулж явцгаая
Үйлийн үртэй энэхэн хорвоод
Эргэж харамсахгүй сайхан амьдарцгаая

Б.Батзориг.    2017.04.08