Сагаалган
Саб сагаахан саhатай
Сарюун үбэлнэй хариба
Хамаг юүмэн дэлгэрхэ
Хабарай улиралнай эхилбэ
Үлзы буян ни тэгшэрэhэн
Үхэр жэлэмнэй хариба
Буян хэшэг ни дэлгэрхэ
Бар жэлэмнэй айлшалба
Үндэрэхэн уулын оройhоо
Наран ижийдээ залбирааб
Үйлсэй харгыгаа даатхажа
Наманшалан байжа мүргөөб
Уул обоондоо гаража
Сэржим үргэн мүргөөб
Унаган нютагаа даатхажа
Сэдихэл дотроо залбирааб
Зүбэ зүгтөө мордожо
Зүг мүрөө гаргааб
Зөн билэгээ оршоожо
Зүрхэн таринаа шэбэнээб
Аба ижийдээ ошожо
Амаршалан байжа золгооб
hүүтэй сайнай дээжиие
Хүлэhөө дуhалуулан уугааб
Үндэр наhые наhалаhан
Үбэгэд хүгшэдтөө золгооб
Үйлэсэ дүүрэн ябахын
Үреөл бэлгээр шагнуулааб
Андын журмаар гагнагдаhан
Ангийн найзуудаараа зошолооб
Алдарайхан наhаа дурсажа
Аманай зоргоор шалшаабди
Нар бүтүүгөөр эхэлдэг
Арга билэгтэй сагаалган
Нандин дурадхалаар дүүрэн
Аман билэгтэй сагаалган
hайн сагай эхин
Сагаан идеэтэй сагаалган
Үлзы буян ни дэлгэрэhэн
Үреөл дэмбэрэлтэй сагаалган
Б.Батзориг 2022.02.02 Шинийн нэгэн
