СЭТГЭХ ЧАДВАР-2025 онлайн уралдаан

 “ОЮУНЛАГ ИРЭЭДҮЙГ ХАМТДАА БҮТЭЭЦГЭЭЕ” УРИАН ДОР ЗОХИОН БАЙГУУЛАХ “СЭТГЭХ ЧАДВАР-2025” ОНЛАЙН  ЗУРГААДУГААР  УРАЛДААНД ОРОЛЦОНО УУ.

Арга зүйн уралдаанд оролцсон материал

 Математикийн багш нарын БООЦООТ уралдааны АРГА ЗҮЙН төрлийн шилдэг материалуудаас танилцуулж байна.

№	Сургууль	Багш
1	Дашбалбар	Б.Гантуяа
2	12-р сургууль	Н.Сарангэрэл
3	5-р сургууль	З.Энхбаярмаа
4	1-р сургууль	Д.Эрдэнэчимэг
5	Шинэ хөгжил	Т.Ариунаа
6	5-р сургууль	Д.Нармандах
7	11-р сургууль	Г.Дэнсмаа
8	Хан-Уул	Ч.Болорчимэг
9	5-р сургууль	Б.Отгонбаяр
10	8-р сургууль	Б.Наранбаяр

Ягаан давхар минь..

Холын холоос сүндэрлэн харагддаг

Хоёр давхар ягаан сургууль минь

Нэгэн жарны дурсамжийг хүүрнэн

Нөгөө л янзаараа бодол хөврүүлнэ

Нэг давхарын баруун жигүүрт

Нягтлан, няравын өрөө байрлана

Нэг хоёр алхаад эргэвэл

Нийгэм судлал, түүхийн кабинет

Хажуухан талд нь захирлын өрөө

Хойхно талд нь химийн кабинет

Захирлын өрөөний өөдөөс харсан

Нар үздэггүй нэгэн танхим

Баруун хойд шатаар өгсөөд эргэхэд

Багахан талбайтай нэг анги байна

Урдхан талд нь физикийн кабинет

Урагшаа алхаад багш нарын өрөө

Зэрэгцээ хаалга нь монгол хэлний кабинет

Зүүн талд нь биеийн тамирын заал

Заалны зүүн талд шат байрлана

Залгаа хаалга нь математикийн кабинет

Хичээлийн эрхлэгчийн өрөөний хойно

Нэргүй хоёр танхим оршино

Хойноос эгц урагшаа харсан хаалга нь

Биеийн тамирын хэрэглэлийн өрөө

Шатаар уруудаад зүүн тийшээ эргэвэл

Сайхан гэгчийн ургамал судлалын танхим

Шуудхан хойшоо эргээд алхвал

Шугам зургийн кабинет байрлана

Урагшаа алхаад баруун эргэвэл

Унших ном ихтэй номын сан оршино

Номын сангийн өөдөөс харсан хаалганд

Манаач, цэвэрлэгч нар байрлана

Үүдний коридорын хойд хананд

Түүхэн замналын зураг оршино

Хүндэт самбарт нэр нь сийлээстэй

Хүндтэй хүмүүсийн нэрс дурайна

Цагаан цайлган эрчим дүүрэн

Цэлгэр том анги танхимууд нь

Эрдэм номонд шамдан суралцагчийн

Эхний алхмын гараа юм аа

Сагсан бөмбөгийн талбайгаас бага

Саруулхан жижигхэн спорт заал нь

Их спортын гараагаа эхлүүлэгчийн

Эргэн дурсагдах талбар юм аа

Завсарлагааны цагаар шатны бариул

Гулгуур болон хувирдаг байлаа

Заалны баруун зүүн хаалга

Зав чөлөөгүй онголздог байлаа

Гурвалжилж нугалсан захидлын

Гуйлт бүрийн гэрч болсон

Янаг хоёрыг учруулдаг

Ягаан давхар сургууль минь ээ

Б.Батзориг

2025.04.26

ЭЛСЭЛТИЙН ШАЛГАЛТ-2025.. ОНЛАЙН СОРИЛ-4

 

№	Судлагдхуун	өдөр	Эхлэх дуусах цаг	Үргэлжлэх цаг
1	Математик	4 сарын 26  /Бямба гариг/	10.00-11.40	100 минут
2	Газарзүй		12.00-13.20	80 минут
3	Монгол хэл		14.00-15.20	80 минут
4	Биологи		16.00-17.20	80 минут
5	Монголын түүх		18.00-19.20	80 минут
6	Физик	4 сарын 27  /Ням гариг/	10.00-11.40	100 минут
7	Хими		12.00-13.40	100 минут
8	Англи хэл		14.00-15.20	80 минут
9	Нийгмийн ухаан		16.00-17.20	80 минут
10	Орос хэл		18.00-19.20	80 минут

ПИ тооны өдрийн нэрэмжит уралдаан

 Дэлхийн математикийн өдөр ПИ тооны өдрийн нэрэмжит онлайн уралдаан 2025 оны 3 сарын 15-ны 10.00-11.15 цагт явагдана.

БАГА АНГИ - /3-5 дугаар ангийн сурагч, бага ангийн багш нар оролцоно/

ДУНД АНГИ /6-9 дүгээр ангийн сурагчид оролцоно./

АХЛАХ АНГИ /10-12 дугаар ангийн сурагчид, математикийн багш нар оролцоно/

Ганболдын Михлай-д

ШАВЬДАА..

Математикийн хичээлдээ чин сэтгэлээсээ дурлаж Малынхаа бэлчээрт тоо бодож явсан хүү Их сургуулийг биш багшийн коллежийг сонгож Ирээдүйн мэргэжлээ зөв тодорхойлсон оюутан Хичээл зүтгэл амжилтанд хүрдгийг илхэн харуулж Хамгийн сайн математикийн багш болж чадсан залуу Логарифм, тригонометр, геометр, алгебр, анализын Лавлах толь болтлоо тоо бодсон багш Алс нутгийн бүсгүйтэй айл гэр бүл болж Азтай таван хүүхдийн түшиг болсон аав Инженер, багш, эрдэмтэн, тамирчин зэрэг Ирээдүйн мундаг залуусын хайрыг татсан багш даа

Б.Батзориг 2025-02-25 ФБ-с авав.

ЭЛСЭЛТИЙН ШАЛГАЛТ-2025.. ОНЛАЙН СОРИЛ-3

 

№	Судлагдхуун	өдөр	Эхлэх дуусах цаг	Үргэлжлэх цаг
1	Математик	2 сарын 22  /Бямба гариг/	10.00-11.40	100 минут
2	Газарзүй		12.00-13.20	80 минут
3	Монгол хэл		14.00-15.20	80 минут
4	Биологи		16.00-17.20	80 минут
5	Монголын түүх		18.00-19.20	80 минут
6	Физик	2 сарын 23  /Ням гариг/	10.00-11.40	100 минут
7	Хими		12.00-13.40	100 минут
8	Англи хэл		14.00-15.20	80 минут
9	Нийгмийн ухаан		16.00-17.20	80 минут
10	Орос хэл		18.00-19.20	80 минут

Хөдөөгийн математикийн багш нарын хоёрдугаар онлайн уралдаан

Хөдөөгийн математикийн багш нарын хоёрдугаар онлайн уралдаан 2025 оны 02 сарын 15-ны өдөр /Бямба гариг/ 10.00-11.15 цагт /Улаанбаатарын цагаар/ явагдана.

ЭНД ДАРЖ ОРОЛЦОНО УУ. АМЖИЛТ ХҮСЬЕ.

12-ын "Гоётон" ГАНТӨМӨР багш..

 ГОЁТОН БАЛЖНЯМЫН ГАНТӨМӨР-төө...

Ганган сэтгэлгээ нь геометрийг тэмтэрсэн

Гайхамшигт бодол нь инженерийн тэмдэгтэй

Аясхан ааль нь түмнээ хүндтэй

Аюушханхорлоодоо төгсхөн хайртай

Нарлагхан Бумбатдаа сэтгэл аргамжаатай

Найзхан нөхөддөө итгэл ачлалтай

Төрсөн үрсдээ аавын нөмөртэй

Төөрөг заяандаа өвөөгийн түшигтэй

Өндөр дээдэст Гоётнуудын удам

Өргөн эмжээрт буриадхан хөвүүн

Мөнгөн долгиот Улзынхаа эргээс

Мөрөөдөлт эрдмийн аянд мордсон

Өдөр тутмын хичээлээ чамбайлсан

Өөрийн мэргэжилдээ зөвлөх зэрэгтэй

Русский языкийг Эрхүүд судалсан

Рекурент дараалалтай Математикийн багшаа...

Гантөмөр найзынхаа мэндэлсэн

Ганган өдрөөр нь мэндчилсэн

Батболд Цэрэндоржийн

Баяндунгаасаа...

2025-01-05 Ц.Батболдын ФБ-с..

ДУНДГОВИЙН МАТЕМАТИКИЙН БАГШ, ЯРУУ НАЙРАГЧ ЦЭНДООГИЙН ГАНХУЯГ-т

 ДУНДГОВИЙН АЛДАРТ ЯРУУ НАЙРАГЧ ЦЭНДИЙН ЧИМЭДОРЖ АХАЙН АЛДАРТ "МАЛЧИН" ШҮЛГИЙГ ДАМНУУЛАН ТЭРЛЭВ. ИХ ХҮМҮҮН ӨРШӨӨН СОЁРХОГТУН...

Нарны даллагатай говьдоо хэдэн шавиа л гэж

Намрын эхэн сард хичээл эхлэхээ хүлээсэн

Цаг цагийн тоололд томъёо шигээ хэвээрээ л

Цалин цаасаа үл тоож л аймагтаа тоогоо заасан

Шигшиж давтсан мундаг шавь нартайгаа олимпиад дамжсан амжилттай

Шийдтэй тэгшитгэл олон гишүүнтээр гангарсан

Давхиад хүрэхэд Цэгц билиг сургуульдаа тооны хаан

Дундговьдоо ганцхан тоочин шүлэгчин хуурч магтаалч найз минь

Бодолтоо баталсан шавиараа матийн багш нартаа онгирно

Болохгүй гэнэн жаалууддаа маанийн үсэг шиг томъёо тогтоолгосон

θндөр оноо дутаавал нь хуураа татаж тайтгарна

θөрөө өөртэйгөө ярьж геометрээ зурна.

Хуруундаа бөгж гартаа самсунг гэхээсээ

Хурц сэтгэдэг арвын жаалдаа Кошийн теорем хэлсэн

Мэдэл сүр албан тушаал хөөцөлдөхийг

Мэдэх чадахаас долоон дор гэж үздэг

Ардынхаа дуу билгийг сургуулийнхаа урлагт дуурсгасан

Алтан медалиудтай хойморт нь ангийн хүүхдүүдийн альбом гэрэлтсэн

Сур хар элдэхдээ ч бодлоо цуг элдэж

Сургуульд заалгасан багшийнхаа нэрэмжитийг хийж уламжилсан

Хорь гуч дөчин жил математик зааж хорвоог барах нь гэж гутардаггүй

Хоног сарын уртад оюутан нөхдөө мартаагүй

Огт болохгүй юмыг ч болж л байна гэж боддог

Оройн дээд төрийнхөө сүр сүлдэнд залбирдаг

Малгайн утаа сэргээж нэрмэлд жаахан халахаараа

Мат алгебр гоегоо яаж бодож батлахыг

Марксизмаар заалгахгүй ээ гээд хэлчихдэг

Энхэр багахан сурагч үеэсээ хуур тоо хоёрыг сурсан

Эхээс төрөхийн тоочин амьдралын томъёон ухаан

Хишиг өдөр тааруулан аймгийн олимпиадад уулзаж

Хэдэн гацсан бодлогоо гүн ухаантай хольж ярилцдаг

Ижий аавын минь нутаг гэж нэг баярлаж

Ивээл жилийн онгод шүү гэж шүлэг тэрлээд

Гариг дэлхийн эргэлт бүтэн тойрог бүхэнд

Ганцхан заяаны хань сайхан үрсээ түшиж хайрласан

Мандалговийнхоо элсэнд гишгэж үлдээсэн мөр бүрт нь

Мандах нарны цацраг нь хугарч ойсондоо л

Дундговийн халуун сэвшээнд дэрвэлзээд

Дууны айзам шүлгэн шадуудаа нийтгэн

Дуулим орчлонгийн алтан чанарыг томж эрчилсэн

Дуучин заяатай нутгийн түмнийхээ сонорыг мялаасандаа

Ганган хээнцэр хот руу бүгдээрээ нүүчихвэл

Галаа хэн нь манах байна даа гэж санаа зовних

Дээд тооны теорем аксиом хөгшрөөгүй байхад

Дэргэд минь математикийн олон шавь нар байхад

Их дэлтэй морьд эмээлтэйгээ байхад

Эзэн Чингэсийн голомт дүрэлзэнхэн байхад

Уужим сэтгэлгээ ухаан бодол ариун байхад

Уран бүтээл онгодын долгион цахилж байхад

Эднийгээ орхиод би хаачих юм бэ

Элэнцгээ хийж төв бараадах юм бэ? гэж уурлах

Цасан шуурга сөрж сургуульдаа очсон

Цагийн шуурга давж аймагтаа зүтгэсэн

Цул мөнгөн аяга шигээ дүүрэн тансаг сэтгэлээрээ

Цуутай олимпиадын тэнгэр дор алдрын тавцанд зогссон

Багшийн дээдийн оюутан Зүүнбаянгийн цэрэг үеэ

Байнга дурсан бодож дууланхан уярдаг

Батсайхан Ганбилэг Лодой Чинзоодоо хааяахан шүлэг тэрлэдэг

Хан орчлонд зартай тооны гүн философийг

Хар ухаантайгаа сүлж эрдмийн харгуйд алхсан

Арван мянган шавь нараа бурхнаасаа илүү тахисан

Аугаа ихээ мэддэггүй аугаа их багш

Албаны тамгатай конспектоо цүнхэндээ хийгээд мартсан

Алгерийнхаа бодлогыг болохоор самбар дүүргэн бодсон

Чулуун булагтай Баяндунгийн надаасаа

Чухамдаа ганцхан дүү Ганхуяг найз минь....

Баяндунгаасаа Ганхуяг найздаа

Батболд Цэрэндоржийн

Бадаглан илгээв...

2025-02-04 Ц.Батболдын ФБ-с