НАРАН БУЛАГ

                 НАРАН БУЛАГ

Жаран жарныг өртөөлөн ундарч

Жавар жаврыг цантуулан мяралзаж

Жаахан багын минь дурсамж сэдрээн

Жаргал даллан мэлтрэн урсдаг

    Наран булаг минь

    Насан мөнх рашаан минь

    

Дөчийн бидон явган тэргээр

Дөрвөн улиралд зөөж тээсээр

Наймын хувингаар толгойдоо асгуулан

Найзын ёсоор тэвчээр заасан

            Наран булаг минь

            Насан мөнх рашаан минь

Булгилах зүрхний хэмнэл тоолон

Бургилан бужигнан зөөлөн лугшиж

Бусдын төлөө цоо шинээрээ

Буянаа дэлгэн түмнийг ундаалсан

    Наран булаг минь

    Насан мөнх рашаан минь

Алсын нутгаас санасаар ирээд

Адисланхан амсахад гэрэл дүүрэн

Амар энхийг дандаа билэгдэн

Ариухан цагаан ерөөл үлдээсэн

    Наран булаг минь

    Насан мөнх рашаан минь

Шихихутаг эрдэм шивнэн хүртсэн

Шинэ үеийнхэн оюунаа сэргээн ундаалсаар

Шимтэйхэн ундаа ариухан сайхан

Шидэт рашаан тунгалагхан булаг минь

    Наран булаг минь

    Насан мөнх рашаан минь

Он цаг ирж одсоор

Олон олныг дэмжин тэжээсээр

Орчлонд нар дамжин тэтгэсээр

Одоо ч хамгаалсаар хайрласаар бидэн

    Наран булаг минь

    Насан мөнх рашаан минь

Саруул тэнгэрийн дор идэр есөөр

Сайхан рашаанаа тэрлэн дуулав...

                        2021.01.05

                        Батболд Цэрэндоржийн...