Сэтгэлийн хайлан БАЯНДУН минь ээ

Улаалзай ургадаг Дун нутагтаа 
Уяхан хөгшидөө хайрлан түшсэн
Угтам Хайрханы сүр сүлдтэй
Ухаантай өвгөдөө хүндлэн золгосон

Ард зоны минь гэрэлт диваажин
Ариухан рашаан Наранбулаг минь
Сэтгэлийн хайлан нутгийн дээд
Цэнгэг агаартай Баяндун минь ээ

Унагайн гол Яргайн даваандаа
Учрахын ерөөлөө өргөн шингээсэн
Улзын дэнж Голын цагаандаа
Унаган хүлгээрээ дуулан туулсан

Ард зоны минь гэрэлт диваажин
Ариухан рашаан Наранбулаг минь
Сэтгэлийн хайлан нутгийн дээд
Цэнгэг агаартай Баяндун минь ээ

Агь гангын үнэр сэнгэнэсэн
Атархан талдаа наадан өссөн
Адуун чулуун Үлийн даваандаа
Аз хийморио даатган залбирсан

Ард зоны минь гэрэлт диваажин
Ариухан рашаан Наранбулаг минь
Сэтгэлийн хайлан нутгийн дээд
Цэнгэг агаартай Баяндун минь ээ

Цэрэндоржийн Батболд  2017-01-20